Deo Das ki baas ke traas ka door karo ehsaas!!!

Standard

Deo Das ke baarein mein to aap jaante hi honge.

Kya kaha nahi jaante??? Arre ye wahi haiwain hai… jiski badbu se naak ka har baal kaap uthta hai. Jiske aate hi bade bade room freshener bhi almari mein chhup jaate hai aur gayab ho jate hai gumnami ki galiyon mein. Is ki haiwaniyat ka kissa yoon to hum aapko pehle bhi suna chuke hai, par ek aur baar hum brief mein aur grief mein dohra dete hai…

Yeh kahani hai us shaitan ki us haiwan ki us gire hue insaan ki “jo ghusta hai lift mein lagaye bina deo… Aur phir kehta hai 4 press kar diyo.”

Ye baat hai pichle mahine ki 12 taareekh ki … Subah ka samay tha…. Traffic se hairan pareshaan hokar kuch masoom log office pahuche hi the. lift mein ghus kar lift band Karne hi wale hi the ki ek aawaaz aayi… “hold hold hold”. logo ko laga ki koi bechara hai…but little did they know ki BEchare ki shakal mein wo to ek BHEdiya hai. Jaise hi wo andar ghusa aur lift band ki… Log cheekhne chillane lag Gaye….rumal naak par rakh kar apni jaan bachane ki koshish karne lag Gaye. Us rakshas ki badbu se sabki jaan khatre mein aa gayi thi. Jaan bachane ke sare efforts vyarth the… Jab 4 floor pe he opened lift door, sirf Deo Das tha aur baaki sab behosh pade the. Lift ke bahar ke log ye nazara dekh kar hakke bakke reh gaye. Bahar aate hi Deo Das bola….

“Mera naam hai Deo Das, mujhme se aati hai baas Yeh aam nahi hai hai kuch khaas, I can make behosh any lad and lass, Mera naam hai Deo Das…”

Sach to ye hai ki ye haiwan sirf lift mein hi nahi milta… humein bus mein bhi milta hai, local train mein bhi milta hai aur kabhi kabhi to auto rickshaw mein bhi mil jata hai. Is darinde se bachne ke liye humne kya kya nahi kiya… Lift mein jana band kiya… bus mein chadhna band kiye. Bhari dhoop mein paidal chalkar jaane lage. Is Deo Das se bachne ke liye, jaldi office jaane ke chakkar mein nahana band kar diya. Par ek din office pahuch kar samjha ki is Deo Das se bachne ke chakkar mein hum khud bhi Deo Das hi bante ja rahe hai. Hum apne aapko aine mein tak dekh nahi paa rahe the. Jaise taise udhaari ka deo lekar durgandh chhupakar hum apni seat par pahuche. Seat par jaate hi humne as usual, Youtube.com khola aur waha dekha to kya…

Is video ne mere dil ki baat kehdi aur mein aakhon mein paani bhar gaya. Tabhi maine samjha ki is Deo Das se dat kar muqabla karna hoga. Tabhi maine lakaar lagayi…

“Aaj mein khata hoon ye saugandh… ki ek din mein door karoonga Deo Das ki durgandh!!!”

Lalkaar lagate hi phir kya tha… hum dat gaye aur Deo Das ke armaano ke dhol phat gaye. Phataphat market mein gaye, credit card swipe kiya aur Racold ka heater apne ghar mein laga liye. Ek subah nahane ke baad, ek plastic ki bottle mine Water Heater ka paani bhar liya. Main apni car mein baitha aur jaate waqt maine bus stop pe Deo Das ko dekha. Deo Das meri taraf daudne laga… use laga ki mai darr jaoonga, par use kya pata tha ki aaj uski ‘baas ka traas’ khatam hone wala tha. Mai hila nahi balki Deo Das ke liye car ka darwaaza khola. Darwaaza kholte hi maano durgandh ka bawandar uth gaya ho. Par hum ne bhi thaan rakha tha ki ye wahi hai durgandh, jise mitane ki maine khayi hai saugandh. Jaise hi Deo Das gaadi mein baitha, use laga ki mai kaach band khol doonga. Paar aaj badle ki ghadi thi, aaj waqt tha injustice ke khilaaf aawaaz uthane ka. Tabhi maine Deo Das se bola, “Paani Loge?”. Usne haan bolne ki der thi ki humne plastic ki bottle uske upar ulti kar di. Phir kya tha, smell maano ek hi pal mein “Gayab Gayab Gayab…” aur Deo Das ko ho gaya apni durgandh ka ehsaas. Us din Deo Das ne bhi kha li saugandh,

“Mera naam hai Deo Das, mujhe ho gaya hai ye ehsaas, ki logo ko bulana ho paas to don’t have that disgusting baas”

 Please take a bath every day and at times twice a day… please please please!!! For some awesome bathing and anti-baasing tips log on to Racold Facebook Page!!!

“Issued in interest of World Peace”

Advertisements

Say something friend!!!

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s